काठमाडौं, साउन २३ । नुवाकोटको शिवपुरी गाउँपालिका वडा नम्बर–७ सूर्यचौरमा एउटा हेलिकप्टर दुर्घटना भएको छ।
जिल्ला प्रहरी कार्यालयका नुवाकोटका अनुसार एयर डाइनेस्टीको हेलिकप्टर सूर्यचौरमा दुर्घटनामा परेको हो । उक्त हेलिकप्टर जलेको अवस्थामा भेटिएको छ।
दुर्घटनास्थलमा हेलिकप्टर जलेको अवस्थामा भेटिएको स्थानीयले बताएपछि अहिले प्रहरी त्यहाँ पुगीसकेको छ ।
प्रहरीका अनुसार उक्त दुर्घटनामा परेर पाँच जनाको मृत्यु भएको छ । उनीहरुमध्ये चार जना चिनियाँ नागरिक रहेको प्रहरीले जनाएको छ ।
