काठमाडौं, साउन २५ । नेपाली बजारमा शुक्रबार पहेंलो धातु सुनको मूल्य थप बढेको छ । यो दिन तोलामा १ हजार ५०० रुपैयाँ बढेको हो ।
नेपाल सुनचाँदी व्यवसायी महासंघका अनुसार शुक्रबार सुनको मूल्य तोलामा १ लाख ४८ हजार १०० रुपैयाँ कायम भएको छ । अघिल्लो कारोबार दिन बिहीबार सुनको मूल्य तोलाको १ लाख ४६ हजार ६०० रुपैयाँमा कायम थियो ।
यसैगरी, यो दिन चाँदीको मूल्य तोलाको १ हजार ७३० रुपैयाँमा कायम भएको छ । अघिल्लो दिन यसको मूल्य प्रतितोला १ हजार ६९० रुपैयाँ कायम थियो ।
यसैगरी महासंघका अनुसार आज प्रति १० ग्राम छापावाल सुनको मूल्य १ लाख २६ हजार ९७० रुपैयाँ तोकेको छ । त्यस्तै प्रति १० ग्राम चाँदीको मूल्य १ हजार ४८३ रुपैयाँ छ ।
