उक्त अवसरमा कम्पनीका प्रमुख कार्यकारी अधिकृत बद्रि प्रसाद प्याकुरेलले कम्पनी ९वौं बर्ष पुरा गरि १०औं बर्षमा ुप्रवेश गरेको उपलक्ष्यमा सुम्पुर्ण उपस्थित महानुभावहरुलाई स्वागत मन्तव्य दिनुका साथै कम्पनीको ९ वर्षमा भएका कार्य प्रगतीमा संस्थाको आ.व २०७३÷७४ मा ०.३५रुपैयाँ ईपीएस रहेकोमा २०८०÷८१ मा १९.०७ रुपैयाँ प्रति शेयर ईपीएस कायम भएको छ । साथै, आ.व २०७३÷७४ मा १००.७५ रुपैयाँ नेट वर्थ रहेको मा आ.व २०८०÷८१ मा १२८.०५ रहेको छ । कुल आयमा आर्थिक वर्ष २०७३÷७४ देखि आ.व २०८०÷८१ मा आइपुग्दा २०१% वुद्धि भएको र खुद मुनाफामा ६६०% बृद्धि गरि आ.व.२०८०÷८१ मा १८% नगद लाभांश समेत गरि कुल ५३.६६% नगद लाभांश राष्ट्रिय वाणिज्य बैंक लि.लाई दिएको छ । यसरी समग्र रुपमा आर्थिक प्रगतीका सूचकांकहरुलाई हेर्दा कम्पनीको मुनाफामा उल्लेख्य बृद्धि भएको छ । प्रमुख कार्यकारी अधिकृत बद्रि प्रसाद प्याकुरेल द्धारा कम्पनीको भावी योजना, कम्पनीका चुनौतीको बारेमा समेत प्रस्तुत गर्नु भयो ।

सो अवसरमा राष्ट्रिय वाणिज्य बैंक लि.का शाखा कार्यलयहरु मध्ये उत्कृष्ट हितग्राही खाता खोल्ने १० वटा शाखा कार्यालयहरु, बानेश्वर, कीर्तिपुर, ईटहरी, चरिकोट, ललितपुर, नक्साल, सल्लेरी, सुर्खेत, हेटौडा, बालाजु शाखाहरुका शाखा प्रमुखहरुलाई प्रमुख अतिथी तथा सभाका सभापती बाट सम्मान पत्रका साथै खादा लगाएर सम्मान गरियो । साथै, सभाका सभापती तथा प्रमुख कार्यकारी अधिकृत बाट संस्थाका २ जना उत्कृष्ट कर्मचारीहरुलाई सम्मान पत्रका साथै नगद पुरस्कार द्धारा सम्मान गरियो ।