काठमाडौं, वैशाख १ । एमएडब्लू वृद्धि अटोकर्पले ‘ट्रान्सफर्मर एसयूभी’ भनेर चिनिने ‘दिपल ई०७’ को औचपारिक डेलिभरी सुरु गरेको छ । अब ‘अटोमोटिभ इन्थुजियास्ट’ र ई०७ का ग्राहकले ट्रान्सफर्म गर्न सक्ने क्षमता भएको एसयूभीको ‘फस्टह्यान्ड’ अनुभव गर्न सक्ने कम्पनीले जनाएको छ ।
एउटा बटन थिच्ने बित्तिकै ‘लक्जरियस एसयूभी’ बाट सजिलैसँग बहुउपयोगी ‘पिकअप ट्रक’ र ‘क्याम्पिङ भेहिकल’ मा परिणत हुन सक्ने अनौठो क्षमता भएको दिपल ई०७ ले सार्वजनिक भएपछि नेपाली अटोमोबाइल जगतमा गजबको उत्साह सञ्चार भएको थियो ।
‘इन्डस्ट्री फर्स्ट’ फिचर, ‘कटिंग एज’ प्रविधि र अद्वितीय पर्फर्मेन्स भएको ई०७ ले अटोमोबाइल क्षेत्रमा नयाँ मापदण्ड स्थापना गरेको थियो ।
‘रियर ह्विल ड्राइभ’ र ‘अल ह्विल ड्राइभ’ दुवै भेरियन्टमा उपलब्ध हुने दिपल ई०७ ले बेजोड पावर र पर्फर्मेन्स प्रदान गर्छ । हाललाई रियर ह्विल ड्राइभको डेलिभरी सुरु भएको हो ।
रियर ह्विल ड्राइभमा १९० किलोवाटको मोटर जडान गरिएको छ । २५८ पीएस पावर र ३६५ एनएम टर्क उत्पन्न गर्छ । यसमा ८९.९ किलोवाट आवरको ब्याट्री रहेको छ । यसले सिंगल चार्जमा ५ सय ६६ किलोमिटरको रेन्ज दिन्छ ।
‘हामीले ई०७ लाई नेपालमा सार्वजनिक गरेपछि बुकिङ सुरु गरेका थियौं । बजारबाट हामीले एकदमै राम्रो प्रतिक्रिया पाएका छौं,’ एमएडब्लू वृद्धिका प्रमुख कार्यकारी अधिकृत (सीई) रुपेश शर्मा भट्टले भने, ‘बुकिङ गरेका ग्राहकको पहिलो ब्याचलाई डेलिभरी दिइसकेका छौं । हामी ग्राहकको साथ र विश्वासका लागि धन्यवाद दिन चाहन्छौं र विश्वस्तरीय उत्पादन नेपाली बजारमा ल्याउन प्रतिबद्ध छौं ।’
डेढ महिनादेखि कुरिरहेका ग्राहकलाई अन्ततः एमएडब्लू वृद्धिले ‘अटोमोबाइल मार्भेल’ ई०७ को डेलिभरी दिएको हो । दिपल ई०७ ले एडभेन्चरको कन्सेप्टलाई नै पुनर्परिभाषित गरिदिएको छ । अब भने ट्रान्सफर्मर क्षमता र अद्वितीय लक्जरीले भरिएको ई०७ नेपाली ग्राहकले अनुभव गर्न पाउने भएका छन् ।
दिपल ई०७ मा प्रयोग गरिएको ‘सुपर ब्रेन सेन्ट्रल कम्प्युटिङ प्लेटफर्म’ ले ‘सिमलेस कन्ट्रोल’ र ‘रियलटाइम रेस्पोन्स’ दिन्छ । यसमा २८.८६ इन्चको ‘अग्मेन्टेड रियारिटी हेडअप डिस्प्ले’ र १५.४ इन्चको ‘सनफ्लावर टचस्क्रिन’ प्रयोग गरिएको छ जसले ‘ड्राइभिङ एक्सपिरियन्स’ लाई राम्रो बनाउने मात्र होइन सुरक्षित पनि बनाउने कम्पनीको दाबी छ ।
सहज यात्रा र सुरक्षाका लागि यसमा ५ प्रकारको ‘क्रुज असिस्ट’, ४ वटा ‘पार्किङ असिस्ट’ फिचर र १४ ‘सेफ्टी प्रोटेक्सन सिस्टम’, ५ एमएमको ‘वेब राडार’, ५ वटा क्यामरा र १२ वटा ‘अल्ट्रासोनिक राडार’ प्रयोग गरिएको छ । साथै, यसमा ५४० डिग्रीको ‘सराउन्ड भ्यु’ र ‘सी२ सेन्ट्रल कम्प्युटिङ’ रहेको छ जसले ‘नेभिगेसन’ र पार्किङ आदि सहज बनाउँछ ।
