काठमाण्डौ । नाडा अटो शो २०२५ मा अवलोकनकर्ताको ऐतिहासिक घूइँचो लागेको छ।
यस वर्षको नाडा अटो शोमा केवल ३ दिनमै ७८,५१३ अवलोकनकर्ता सहभागी भएका नाडा अटोमोवाइल्स एशोसिएसन अफ नेपालले दाबी गरेको छ ।
'यो तथ्यांकले नेपाली जनतामा अटो शोप्रतिको बढ्दो उत्साह, विश्वास र समर्थनलाई स्पष्ट रूपमा प्रकट गर्दछ-आर्थिक चुनौती र कठिनाइबीच पनि।'-नाडाले विज्ञप्तिमा भनेको छ ।
'नाडा अटोमोबाइल्स एसोसिएसन अफ नेपालका अध्यक्षका हैसियतले म यो उपलब्धिलाई एउटा अन्त्य नभई नयाँ सुरुवातको रूपमा लिन्छु। यसले हाम्रो अपेक्षा अझ उचालिएको छ, र नेपाललाई अटोमोबाइल नवप्रवर्तन र भविष्यउन्मुख मोबिलिटी समाधानको उदाउँदो केन्द्र बनाउन हाम्रो आत्मविश्वास थप मजबुत भएको छ।'- अध्यक्ष करण चौधरीबाट जारी विज्ञप्तिमा भनिएको छ ।
चौधरीले ऐतिहासिक सफलतामा योगदान पुर्याउने सबै प्रदर्शक, प्रायोजक, सरकारी निकाय, सञ्चारकर्र्मी र सबै अवलोकनकर्ताहरूलाई नाडाको तर्फबाट हार्दिक आभार व्यक्त गरेका छन् ।
