काठमाण्डौ । नाडा अटोमोवाईल्स एशोसिएशन अफ नेपाल अब महासंघमा रुपान्तरण हुने भएको छ । भदौ ८ गते बसेको नाडाको केन्द्रीय कार्यसमितिको बैठकले उक्त निर्णय गरेको हो ।
डेढ दशक लामो प्रतिक्षापछि नाडालाई विद्यानतः महासंघमा लैजाने निर्णय गरिएको नाडाले जनाएको छ ।
नाडाको कार्यसमितिको बैठकले महासंघमा लैजाने निर्णयार्थ भदौ २४ गते मङ्गलबार बिहान ११ बजे द प्लाजा झम्सिखेल ललितपुरमा विशेष साधारण सभा बोलाउने निर्णय गरेको छ ।
नाडालाई वास्तविक रुपमै राष्ट्रिय स्तरको संस्था बनाउने र आफ्ना सदस्यहरूको हकहितको समेत समुचित रुपमा संरक्षण गर्नका लागि नाडा अब महासंघमा रुपान्तरण हुने भएको हो ।
