काठमाडौं- ह्याचब्याक र सेडानबाट अटोमोबाइल बजार एसयूभीमा सिफ्ट भएसँगै अधिकांश कम्पनीहरू एसयूभी निर्माणमा जुटेका छन् ।
यसैक्रममा भारतीय अटोमोबाइल कम्पनी टाटा मोटर्सले थप ३ नयाँ कम्प्याक्ट एसयूभी ल्याउने भएको छ । कम्पनीले आगामी ३ वर्ष भित्र लन्च गर्ने गरी सब फोर मिटर लम्बाइ हुने एसयूभीहरू ल्याउने योजना बनाएको हो ।
टाटा मोटर्सले सन् २०२५ अक्टोबरमा माइक्रो एसयूभी पन्चको फेसलिफ्ट मोडल सार्वजनिक गर्दैछ । नयाँ पन्चको हेडल्याम्प, बम्पर र एक्सटेरियरमा धेरै अपडेट हुने अनुमान गरिएको छ । साथ यसको इन्टेरियरमा अब सानो इन्फोटेन्मेन्ट स्क्रीनको सट्टामा १०।२५ इन्चको नयाँ स्क्रीन आउने छ ।
त्यस्तै, कम्पनीले सन् २०२७ मा नेक्सनको नयाँ जेनेरेशन मोडल लन्च गर्ने योजना बनाएको छ । नयाँ जेनेरेशन नेक्सनमा धेरै नयाँ अपडेटहरू हुनेछ । नयाँ डिजाइनको फ्रन्ट फेसिया हुने नेक्सनमा १२।३ इन्चको इन्फोटेन्मेन्ट स्क्रीन, पावर्ड ड्राइभर सिट र लेभल २ एडास जस्ता प्रिमियम फिचरहरू हुनेछ ।
टाटा मोटर्सले नेक्स्ट जेनेरेशन सियरा समेत छिटै लन्च गर्ने योजना बनाएको छ । बक्सी र मस्कुलाइन क्यारेक्टर रहेको यो एसयूभी महिन्द्राको थार र सुजुकी जिम्नी जस्तो लाइफस्टायल एसयूभी हुनेछ । यो एसयूभीमा कम्फर्ट, ड्राइभिङ डाइनामिक्स, अफरोड पावरको साथमा इफिसियन्सीको समिश्रण पाउन सकिनेछ ।
सुरुवातमा इलेक्ट्रीक पावरट्रेनमा लन्च हुने यो एसयूभी पछि आइस इन्जिनमा समेत लन्च हुनेछ ।
