काठमाडौँ / प्रभु बैंक लिमिटेडको कमलादी शाखाद्वारा ग्लोबल मनि विक–२०२६ अन्तर्गत प्रभातफेरी कार्यक्रम आयोजना गरिएको छ। यस कार्यक्रमको मूल नाराः ‘स्मार्ट मनी टल्क्स’ रहेको थियो।
कार्यक्रम ६ गते आयोजना भएको थियो, जसमा बैंकका प्रमुख कार्यकारी अधिकृत सुमन शर्मालगायत उच्च पदस्थ कर्मचारीहरू र शाखाका कर्मचारीहरू सहभागी भएका थिए।
प्रभातफेरी शाखाबाट सुरु भई दरबारमार्ग, कमलपोखरी चोक हुँदै पुनः कमलादी शाखामा आएर समापन भएको थियो। सहभागीहरूले वित्तीय सन्देशमूलक प्ले–कार्ड र ब्यानरहरू प्रदर्शन गर्दै ‘स्मार्ट मनी टल्क्स’ को उद्देश्यप्रति सचेतना फैलाएका थिए।
प्रभु बैंकले नेपालभर ३१२ शाखा, ३१० एटीएम र ७१ एक्सटेन्सन काउन्टरमार्फत करिब ३६ लाखभन्दा बढी ग्राहकहरूलाई सेवा प्रदान गर्दै आएको छ। बैंकको मूल नारा ‘विश्वास लिन्छौँ, विश्वास दिन्छौँ’ अनुरूप आधुनिक प्रविधि र गुणस्तरीय सेवाबाट प्रतिस्पर्धी रुपमा वित्तीय क्षेत्रमा अगाडि बढिरहेको छ।
