काठमाडौं, भदौ १४ । लिबर्टी माइक्रो लाइफ इन्स्योरेन्स लिमिटेडले आइपिओ जारी गर्ने भएको छ । जारी पुँजीको ३० प्रतिशतले हुन आउने २२ करोड ५० लाख रुपैयाँ बराबरको २२ लाख ५० हजार कित्ता शेयर जारी गर्ने भएको हो ।
प्रतिशेयर अंकित मूल्य एक सय रुपैयाँ दरमा सर्वसाधारणमा निष्काशन गर्नको लागि कम्पनीले एनआइएमबि एस क्यापिटल लिमिटेडलाई बिक्री प्रबन्धकमा नियुक्त गरेको छ । आइतबार कम्पनीले धितोपत्र निष्काशन तथा बिक्री प्रबन्धक कार्य गर्नका लागि एनआइएमबि एस क्यापिटललाई नियुक्त गरेको हो ।
सो सम्बन्धी सम्झौतापत्रमा निष्काशन कम्पनीका तर्फबाट प्रमुख कार्यकारी अधिकृत राम कुमार यादव र निष्काशन तथा बिक्री प्रबन्धकका तर्फबाट महाप्रबन्धक सचिन्द्र ढुङ्गानाले हस्ताक्षर गरेका छन् ।
न्यून आय भएका एवं पिछडिएका क्षेत्रका बासिन्दा र सिमान्तकृत समुदायका व्यक्तिहरुलाई लघु जीवन बीमा सेवा पु¥याउने लक्ष्यका साथ २०८० भदौ १ गते लिबर्टी माइक्रो लाईफ इन्स्योरेन्स कम्पनीको स्थापना भएको हो । लघु जीवन बीमकको इजाजत पत्र प्राप्त गरेको यो कम्पनीले २०८० पुस ६ गते देखि औपचारिक रूपमा लघु जीवन बीमा व्यवसाय सञ्चालन गर्दै आएको छ ।
