काठमाडौं, भदौ १४ । एनआईसी एशिया बैंक म्युचुअल फन्डअन्तर्गत सञ्चालित ‘एनआईसी एशिया डाईनामिक डेप्ट फण्ड’का इकाईधनीहरुलाई प्रतिफल वितरण गरिएको छ ।
एनआईसी एशिया बैंक कोष प्रवर्द्धक र एनआईसी एशिया क्यापिटल योजना व्यवस्थापक तथा डिपोजिटरी रहेको एनआईसी एशिया डाईनामिक डेप्ट फण्डका इकाईधनीहरुलाई गत आव २०८०/८१ का लागि घोषणा गरिएको १० प्रतिशत(करसहित) नगद लाभांश वितरण गरिएको हो ।
कोष व्यवस्थापक एनआईसी एशिया क्यापिटलले उक्त नगद लाभांश हितग्राही खातामा बैंक खाता अद्यावधि गराएका इकाईधनीहरुको बैंक खातामा भदौ ९ गतेदेखि जम्मा गरेको जनाएको छ ।
यस्तै योजनाको लाभांश पुनः लगानी योजनामा सहभागी हुन यसअघि नै आवेदन दिएका इकाईनीहरुलाई सो योजना अन्तर्गत प्राप्त थप इकाईहरु सम्बन्धित इकाईधनीहरुको हितग्राही खातामा जम्मा गरिने क्यापिटलले उल्लेख गरेको छ ।
