काठमाडौं, भदौ १४ । पछिल्लो समय सेयर बजारले गति लिन थालेपछि दोस्रो बजारमा धितोपत्र कारोबार गर्नका लागि टीएमएस प्रयोगकर्ताको संख्यामा उल्लेख्य वृद्धि भएको छ । नेपाल स्टक एक्सचेञ्जले उपलब्ध गराएको तथ्यांक अनुसार साउन महिनामा मात्रै टीएमएस प्रयोगकर्ताको संख्या १ लाख ३५ हजार ३५१ ले बढेको छ ।
यससँगै साउन मसान्तसम्म टीएमएस प्रयोकर्ताको संख्या २३ लाख ३१ हजार ३५० पुगेको छ । असार मसान्तसम्म भने यो संख्या २१ लाख ९५ हजार ९९९ रहेको थियो । यसरी एक महिनाको अन्तरालमा टीएमए लिनको संख्या १ लाख ३५ हजारले थपिएको हो ।
कु्ल टीएमएस प्रयोगकर्तामध्ये ५ देखि ७ लाखसम्म मात्रै सक्रिय रहेका छन् । टीएमएस नलिई ब्रोकर कम्पनीमार्फत कारोबार गर्नेको संख्या १५ लाख १९ हजार रहेको छ ।
ब्रोकरमार्फत टीएमएस सुविधा लिएर लगानीकर्ता आफैँले कम्प्युटर वा मोबाइलबाट सेयर खरिदबिक्री गर्न गर्न सक्छन्।
