काठमाण्डौ । मनकामना इन्जिनियरिङ हाइड्रोपावर लिमिटेडको आम्दानी बढेसँगै घाटामा कमी आएको छ । कम्पनीले गत गत आर्थिक वर्षको चौथो त्रैमाससम्ममा २ करोड ७ लाख रुपैयाँ घाटा व्यहोरेको छ । अघिल्लो आवको सोही अवधिसम्म भने कम्पनीले ४ करोड १६ लाख घाटा व्यहोरेको थियो ।
कम्पनीले यो अवधिसम्म विद्युत बिक्रीमार्फत १२ करोड ३ लाख आर्जन गरेको छ । यो रकम अघिल्लो आवको तुलनामा १०.११ प्रतिशतले बढी हो । अघिल्लो आवमा कम्पनीले विद्युत बिक्रीमार्फत १० करोड ९३ लाख कमाएको थियो । यो अवधिमा कम्पनीको कर्मचारी खर्च ३३ लाख ९० हजार, प्रशासनिक खर्च २ करोड १२ लाख रुपैयाँ र वित्त खर्च ६ करोड ७८ लाख रुपैयाँ रहेको छ ।
समीक्षा अवधिमा कम्पनीको रिटेन्ड अर्निङ २८ करोड ९८ लाख रुपैयाँ ऋणात्मक रहेको छ । कम्पनीको कुल चालु सम्पत्ति ४ करोड २८ लाख र कुल चालु दायित्व ७ करोड ४ लाख रुपैयाँ रहेको छ ।
समीक्षा अवधिसम्म कम्पनीको प्रतिसेयर आम्दानी २.६० रुपैयाँले ऋणात्मक, प्रतिसेयर नेटवर्थ ६३.७७ रुपैयाँ, मूल्य आम्दानी अनुपात २६२.८२ गुणा र तरलता अनुपात ०.६१ प्रतिशत कायम भएको छ ।
