काठमाडौं – युनाइटेड इदी मर्दी एण्ड आरबी हाइड्रोपावर लिमिटेडको आम्दानीमा गिरावट आएसँगै नाफामा पनि कमी देखिएको छ। चालु आर्थिक वर्षको पहिलो त्रैमाससम्म कम्पनीले विद्युत् बिक्रीबाट ६ करोड ३३ लाख रुपैयाँ आर्जन गरेको छ, जुन अघिल्लो वर्षको तुलनामा ४.६७ प्रतिशतले कम हो।
यो अवधिमा कम्पनीको खुद नाफा २४.६९ प्रतिशतले घटेर २ करोड ६५ लाख रुपैयाँ कायम भएको छ।
कम्पनीको कुल सञ्चालन खर्च ८७.३३ प्रतिशतले बढेर १ करोड ५७ लाख रुपैयाँ पुगेको छ भने गैर–सञ्चालन खर्च २ करोड २७ लाखबाट घटेर २ करोड १० लाख रुपैयाँमा सीमित भएको छ।
कम्पनीको चुक्ता पूँजी ४६ करोड ८ लाख रुपैयाँ रहेको छ भने रिजर्भ कोष ५ करोड ४० लाख रुपैयाँ कायम भएको छ।
समीक्षा अवधिसम्म कम्पनीको प्रतिसेयर आम्दानी (ईपीएस) २३.०८ रुपैयाँ, प्रतिसेयर नेटवर्थ १११.७३ रुपैयाँ र मूल्य–आम्दानी अनुपात २३.२८ गुणा रहेको छ।
