काठमाण्डौ । श्रीनगर एग्रिटेक इन्डष्ट्रिज लिमिटेडको खुद नाफा १६२.५३ प्रतिशतले वृद्धि भएको छ । कम्पनीले चालु आर्थिक वर्षको पहिलो त्रैमाससम्म ९२ लाख ७४ हजार रुपैयाँ खुद नाफा आर्जन गरेको छ, जुन अघिल्लो आर्थिक वर्षको सोही अवधिमा ३५ लाख ३२ हजार रुपैयाँ थियो ।
कम्पनीको बिक्री आम्दानी ५९.८५ प्रतिशतले बढेर ४२ करोड ४९ लाख रुपैयाँ पुगेको छ । यसैगरी, अन्य आम्दानी ४ लाख ५३ हजार रुपैयाँ रहेको छ ।
यो अवधिमा कम्पनीको वित्तीय खर्च घटेर १ करोड ८७ लाख रुपैयाँमा सीमित भएको छ, जुन अघिल्लो वर्ष २ करोड १५ लाख रुपैयाँ थियो ।
सञ्चालन मुनाफा १२.६९ प्रतिशतले वृद्धि भई २ करोड ८२ लाख रुपैयाँ कायम भएको छ ।
१ अर्ब ३० करोड रुपैयाँ चुक्ता पुँजी रहेको कम्पनीको जगेडा कोषमा १६ करोड ७७ लाख रुपैयाँ सञ्चित छ ।
समीक्षा अवधिसम्म कम्पनीको प्रतिसेयर आम्दानी (ईपीएस) ०.५४ रुपैयाँ, प्रतिसेयर खुद मूल्य (नेटवर्थ) ११२.८४ रुपैयाँ तथा लगानी प्रतिफल (आरओआई) ०.०१ प्रतिशत रहेको छ ।
