काठमाडौं । रिभर फल्स पावर लिमिटेडको लिलामी सेयरको शिलबन्दी बोलपत्र आज (मंसिर ८ गते) खोलिने भएको छ । बोलपत्र खोल्ने कार्य कमलादी, काठमाडौंस्थित प्रभु क्यापिटल लिमिटेडको कार्यालयमा दिउँसो १ बजे हुनेछ ।
कम्पनीले गत कात्तिक २६ गतेदेखि मंसिर ३ गतेसम्म बोलकबोल (लिलामी) मार्फत १० लाख ३८ हजार ९२४ कित्ता अवितरित हकप्रद सेयर बिक्रीमा राखेको थियो । उक्त सेयर यसअघि भदौ २३ गतेदेखि असोज २६ गतेसम्म १ः१ अनुपातमा निष्कासन गरिएको हकप्रद सेयरमध्ये बाँडफाँड नभएको हिस्सा हो ।
आज शिलबन्दी बोलपत्र खोलिएसँगै न्यूनतम मूल्य वा सोभन्दा बढी बोलकबोल गर्ने आवेदकहरूलाई सेयर बाँडफाँड गरिनेछ ।
