रसुवामा आएको विनाशकारी बाढीका कारण त्रिशुलीस्थित कृषि विकास बैंक लिमिटेडको शाखा कार्यालयमा क्षति पुगेपछि बैंकले सेवाग्राहीको सुविधालाई ध्यानमा राख्दै हाल नुवाकोटको बट्टारबाट अस्थायी रूपमा सम्पुर्ण बैंकिङ सेवा संचालन सुचारु गरेको छ ।
केही समय अघि रसुवा,नुवाकोट र धादिङ क्षेत्रमा आएको भीषण बाढी र लेदोसहितको बहावले त्रिशुली शाखाको भौतिक पूर्वाधार, उपकरण तथा सञ्चार प्रणालीमा ठूलो क्षति पु¥याएको थियो ।
बाढीबाट भएको क्षतिको कारण साविकको स्थानबाट सेवा निरन्तरता दिन सम्भव नभएपछि बैंकले तत्कालै बट्टारस्थित अस्थायी कार्यालयबाट नियमित रुपमा सम्पुर्ण बैंकिङ कारोबार सुचारु गरेको हो ।
हाल बट्टारबाट निक्षेप संकलन, नगद भुक्तानी, रेमिट्यान्स तथा अन्य अत्यावश्यक बैंकिङ सेवाहरू बिना अवरोध निरन्तर प्रदान भइरहेका छन् ।
बैंक व्यवस्थापनका अनुसार शाखाका लागी उपयुक्त स्थान चयन एवं आवश्यक तयारीका कामहरू तीव्र गतिमा अघि बढाइएको छ र छिट्टै नै नयाँ उपयुक्त स्थानबाट स्थायी रूपमा सेवा सञ्चालनमा ल्याइने बैंकले जनाएको छ ।
