काठमाडौं, जेठ १२ । नेपाल लेयर्स कुखुरापालक संघले अण्डाको समर्थन बिक्री मूल्य निर्धारण गरेको छ ।
संघको शनिबार बसेको बैठकले चितवनलाई आधार मानी जेठ १३ देखि लागू हुनेगरी मूल्य निर्धारण गरेको हो । जसअनुसार अतिरिक्त ठूलो अण्डाको मूल्य प्रतिक्रेट रु. पाँच सय, ठूलो अण्डाको मूल्य प्रतिक्रेट रु. ४८० र मध्यमस्तरको अण्डाको मूल्य प्रतिक्रेट रु. ४६५ कायम गरिएको संघका सचिव मदन पोखरेलले बताएका छन् ।
