इमर्जिङ नेपाल कम्पनीले आव ०७९/८० को मुनाफाबाट घोषणा गरेको नगद लाभांश सेयरधनीको खातामा जम्मा गरिदिएको छ ।
सेयरधनीहरुको हितग्राही खातामा उल्लेख गरिएको बैंक खातामा आइतबारदेखि लाभांश जम्मा गर्न थालिएको हो । बुक क्लोज मितिसम्ममा कायम रहेका शेयरधनीहरुको हितग्राही खातामा बैंक खाताको विवरण अद्यावधिक भएको हकमा नगद लाभांशबापतको रकम सोही खातामा नै जम्मा गरिने व्यवस्था गरिएको छ ।
हालसम्म पनि अभौतिकीकरण (डिम्याट) नगराएका वा हितग्राही खाता खोलेर पनि कम्पनीको सेयर अभौतिकीकरण नगराएका शेयरधनीहरुले आफूलाई पायक पर्ने निक्षेप सदस्यकोमा हिग्राही खाता खोली सेयर अभौतिकीकरण गराएर लाभांश प्राप्त गर्न सक्नेछन् ।
कम्पनीले ८.४२११ प्रतिशत नगद लाभांश वितरण गरेको हो । मङ्सिर १५ को साधारणसभाबाट कम्पनीले लाभांश प्रस्ताव पारित गरेको थियो ।
