काठमाडौँ, जेठ ३२ । ग्लोबल आइएमई बैंकका ग्राहकहरुले होटेल आइकावा इनमा विशेष छूट सुविधा पाउने भएका छन् ।
कम्पनीको कार्ड तथा मोबाइल बैंकिङ प्रयोगकर्ताहरुले होटेल आइकावा इनका विभिन्न सेवामा विशेष छ्रूट प्रदान गर्नेसम्बन्धी समझदारी पत्रमा हस्ताक्षर सम्पन्न भएको छ । उक्त समझदारी पत्रमा कम्पनीको बागमती प्रादेशिक कार्यालय प्रमुख रुपेन्द्र वाग्ले र होटेल आइकावा इनका अध्यक्ष घनश्याम शर्मा अर्यालले हस्ताक्षर गरेका छन् ।
समझदारी अनुसार कम्पनीको डेबिट, क्रेडिट कार्डबाहक तथा बैंकको मोबाइल बैंकिङ्ग ‘ग्लोबल स्मार्ट प्लस’ प्रयोगकर्ताहरुले होटेल आइकावा इनले उपलब्ध गराउने सेवा तथा सुविधाहरुमा १० देखि १५ प्रतिशतसम्म छ्रूट प्राप्त गर्नेछन् । ग्राहकवर्गको सुविधालाई ध्यानमा राखी कम्पनीले विभिन्न संघ–संस्थाहरुसँग समन्वय गरी यस्ता किसिमका छूट दिने योजनाहरु ल्याएर ग्राहकहरुलाई लावान्भित गर्दै आएको छ ।
मुलुकको ७७ वटै जिल्लामा शाखा सञ्जाल रहेको कम्पनीको ३५४ शाखा कार्यालय, ३७९ एटीएम, २७७ शाखा रहित बैंकिङ्ग सेवा, ६८ एक्सटेन्सन तथा राजस्व संकलन काउन्टर तथा ३ वटा बैदेशिक प्रतिनिधि कार्यालय समेत गरी १ हजार १०० भन्दा बढि सेवा केन्द्र रहेको छ।
