काठमाडौँ, असार २ । त्रिभुवन अन्र्र्ताष्ट्रिय विमानस्थलबाट एक जना भारतीय नागरिक सुनसहित पक्राउ परेका छन् ।
अवैध रूपमा लुकाएर लैजान लागेको करिब ८९ ग्रामको सुनसहित एक जनालाई पक्राउ गरेको प्रहरीले जनाएको छ ।
पक्राउ पर्नेमा ४३ वर्षीय भारतीय नागरिक नितिन महेश्वरी छन् ।
शनिबार साँझ थाई लायन एयरको उडानद्वारा बैंककबाट काठमाडौं आएका उनलाई त्रिभुवन अन्तर्राष्ट्रिय विमानस्थलको आगमन टनेल गेटबाट सुनसहित फेला पारी प्रहरीले पक्राउ गरेको हो ।
घटनाको आवश्यक कारबाहीका लागि उनलाई भन्सार कार्यालय बुझाइएको प्रहरीले जनाएको छ ।
