काठमाडौं, बैशाख ११ । नेपाल एसबिआई बैंकका ग्राहकले धुलिखेल लज रिसोर्टमा विशेष छुट पाउने भएको छन् ।
बैंक रिसोर्ट बिच बैंकका सम्पुर्ण डेबिट कार्ड र मोवाईल बैंकिङ सेवा प्रयोगकर्ताहरुलाई लक्षित गरी अला कार्ट मेनु रकममा १५ प्रतिशतसम्म छुट दिने सम्झौता भएको छ ।
उक्त सम्झौतापत्र बैंकका चिफ मेनेजर एवं बाग्मती प्रदेश प्रमुख सुशिल राज श्रेष्ठ र धुलिखेल लज रिसोर्टका प्रबन्धक संचालक प्रेम कण्ठ श्रेष्ठले हस्ताक्षर गरेका छन् ।
बैंकले विगत ३१ वर्षदेखी बैंकिङ सेवा प्रदान गर्दै आईरहेको छ । हाल बैंकका १०० शाखा, २२ एक्स्टेन्सन काउन्टर, २१ शाखा रहीत बैकिङ, ७ प्रादेशिक कार्यालय र १ कर्पोरेट कार्यालय संचालनमा छन् ।
