काठमाडौं, जेठ २७ । हिमालयन बैंक लिमिटेडले लमजुङको दूधपोखरी गाउँपालिका, वडा नं. ५, जोर्नेबाट यहि २६ गते देखि दूधपोखरी शाखाको नाउँमा कारोबार हुनेगरी स्थान्तरण गरेको छ ।
नजिक भएका शाखा सञ्जालहरु मध्ये गौंडा शाखालाई स्थानान्तरण गरेको प्रेस तथा जन सम्पर्क अधिकृत शितल कोइरालाले बताए । अब दुधपोखरी शाखाबाटै सम्पूर्ण बैंकिङ सेवा प्रदान गर्ने गरी संचालनमा ल्याएको उनले बताए ।
उक्त शाखाको शुभारम्भ दूधपोखरी गाउँपालिका अध्यक्ष धन बहादुर गुरुङ्गले बैंकका कर्मचारीहरु तथा अतिथिहरुको उपिस्थतिमा गरेका थिए ।
हाल बैंकले नेपाल भरी फैलिएका १७४ शाखा कार्यालयहरु, २० विस्तारित काउन्टर, २८६ एटिएम, ८,००० भन्दा बढी POS Terminals र १५,००० भन्दा बढी विप्रेषण भुक्तानी केन्द्रहरुबाट आफ्ना ग्राहकहरुलाई विभिन्न बैंकिङ सेवा प्रदान गर्दै आएको छ ।
