काठमाडौ, २५ फागुन । निवर्तमान अर्थमन्त्री डा.प्रकाशशरण महतले अर्थतन्त्र सुधारको आधार तयार बनाएको दाबी गरेका छन् ।
बिहीवार प्रतिनिधिसभाको बैठकपछि सञ्चारकर्मीहरुसँग कुरा गर्दै निःवर्तमान अर्थमन्त्री महतले प्रधानमन्त्रीले लगाएको जस्तो अर्थतन्त्र सुधारको काम नगरेको आराप गलत भएको बताएका हुन् ।
उनले अर्थतन्त्र संकटमा भएको बेला अर्थ मन्त्रालयको जिम्मेवारी सम्हालेर अर्थतन्त्रलाई लयमा ल्याउने काम आफूले गरेको जिकिर गरे ।
उनले अर्थतन्त्र लयमा ल्याउने काम गरेकाले आर्थिक वृद्धि र हुने अवस्थाको सिर्जना हुने आधार समेत तयार बनाएको दाबी गरे ।
उनले अर्थतन्त्र सुधारउन्मुख अवस्थामा ल्याउने काम ११ महिनामा गर्न सफल भएको भन्दै प्रधानमन्त्रीले आरोप लगाउने भन्दा पनि तथ्याङ्कले देखाउने दाबी गरे ।
उनले अर्थतन्त्रमा देखिएका विकृतिहरु,बजेट प्रणालीमा देखिएका अनुशासनहिन्ताहरुलाई निरन्तरता दिएकाले अपेक्षा भन्दा बढी काम गर्न नसकको बताए ।
डा. महतले बजेट प्रणालीमा अनुशासन कायम गर्ने काम गरेको पनि बताए । उनले मुलुकमा विदेशीहरुले लगानी गर्ने राम्रो वातावरण बनाएको पनि दाबी गरे ।
उनले अर्थतन्त्रका अधिकांश सूचकहरु सकारात्मक हुँदा पनि तर प्रधानमन्त्रीले त्यसबाट आफू खुशी भइन भन्नु निधार असत्य भएको बताए ।
उनले प्रधानमन्त्रीले लिएको निर्णय देश र जनताको लागि उपयुक्त नभएको भन्दै राजनीतिमा विश्वास नहुने सन्देश प्रधानमन्त्रीले प्रमाणित गरेको आरोप लगाए ।
