काठमाडौ, २७ फागुन । पछिल्लो समय भारतीय गोलभेडाको भाउ बढिरहेको छ । गोलभेडाको भाउ एक सातामा १० रुपैयाँले महंगिएको छ ।
आइतबार कालीमाटी बजारमा गोलभेडा एक किलोको ७५ रुपैयाँमा खरिदबिक्री भएको छ । कालीमाटी तरकारी बजार समितिका अनुसार फागुन १९ गते, गोलभेडाको थोक मूल्य प्रतिकिलो ६५ रुपैयाँ रहेको छ । यसरी एक सातामा नै गोलभेडा १३.३३ प्रतिशतले वृद्धि भएको छ । यद्धपी नेपाली गोलभेडाको भाउ भने खासै परिवर्तन भएको छैन । ठूलो नेपाली गोलभेडा प्रतिकिलो ५५ रुपैयाँमा किनबेच भइरहेको छ ।
कालीमाटीमा सानाे लाेकल गाेलभेडा प्रतिकिलाे २२ रूपैयाँ ३० पैसा र टनेलकाे गाेलभेडा ३७ रूपैयाँ ६७ पैसा रूपैयाँ थाेक मूल्य रहेकाे छ ।
तर प्याजको भाउ भने एक सातामा सस्तिएको छ । फागुन १९, शनिबारको तुलनामा फागुन २६ गते, आईतबार प्याज १७.३३ प्रतिशतले गिरावट भएको छ । कालीमाटीमा आइतबार प्याजको थोक मूल्य एक किलोको ७५ रुपैयाँ रहेको छ । जुन गत साता ८८ रुपैयाँ तोकिएको थियो ।
भारतमा गाेलभेडाकाे भाउ महंगिएकाले पनि नेपालमा यसकाे प्रभाव परेकाे हाे । छिमेकी मुलुकमा एक महिनाकाे तुलनामा गाेलभेडा ३८ प्रतिशतले बढेकाे छ ।
