काठमाडौँ । नबिल इन्भेष्टमेन्ट बैंकिङ्ग लिमिटेडको सोह्रौँ वार्षिक साधारण सभा सम्पन्न भएको छ। असोज २४ गते शुक्रवार, बिहान ११ बजे नबिल इन्भेष्टमेन्ट बैंकिङ्ग लिमिटेडको सोह्रौँ वार्षिक साधारण सभा सम्पन्न भएको छ। सभाको अध्यक्षता कम्पनीका अध्यक्ष सुजित कुमार शाक्यले गरेका थिए ।
सभामा सञ्चालक समितिका सदस्यहरू, सेयरधनी तथा व्यवस्थापन समितिका सदस्यहरूको उपस्थिति रहेको थियो । कम्पनीको रजिष्टर्ड कार्यालय, नक्साल, काठमाडौँमा सम्पन्न उक्त सभाले गत वर्षको मुनाफाबाट सेयरधनीका लागि निर्णयहरू पारित गरेको छ।
सभाले चुक्तापुँजीको २५ प्रतिशत बराबर, ८ करोडमा १० लाख रुपैयाँ बोनस सेयर वितरण गर्ने निर्णय गरेको छ। साथै, कर प्रयोजनका लागि १.३१५७८९४७ प्रतिशत, ४२ लाख ६३ हजार १५७.८९ लाभांश प्रदान गर्ने प्रस्ताव पनि पारित भएको छ ।
