काठमाडौं । नेपाल राष्ट्र बैंकले आफ्नो कर्मचारी उपदान तथा पेन्सन कोषमा रहेको रु. ३ अर्ब ५३ करोड एक वर्ष अवधिको मुद्दती निक्षेपका रूपमा बैंक तथा वित्तीय संस्थामा लगानी गर्ने भएको छ।
लगानीको वितरण निम्नानुसार हुनेछ :
- ‘क’ वर्गका वाणिज्य बैंकहरूमा : रु. २ अर्ब ८२ करोड
- ‘ख’ वर्गका राष्ट्रियस्तरका विकास बैंकहरूमा : रु. ५२ करोड ९५ लाख
- ‘ग’ वर्गका राष्ट्रियस्तरका वित्त कम्पनीहरूमा : रु. १७ करोड ६५ लाख
यो निक्षेप २३ नोभेम्बर २०२५ देखि २३ नोभेम्बर २०२६ सम्म (कुल ३६६ दिन) का लागि हुनेछ।
लगानी प्राप्त गर्न तोकिएका मुख्य सर्तहरू :
- संस्था सञ्चालनमा आएको कम्तीमा २ वर्ष पूरा भएको
- नेपाल राष्ट्र बैंकले तोकेको न्यूनतम पुँजीकोष कायम गरेको
- कुल निष्क्रिय कर्जा (NPL) ५ प्रतिशतभन्दा कम रहेको
- खुद तरल सम्पत्ति तोकिएको न्यूनतम सीमाभित्र रहेको
- कर्जा–निक्षेप अनुपात (CD Ratio) निर्धारित सीमाभित्र रहेको
- अघिल्लो आर्थिक वर्षमा खुद मुनाफामा रहेको
- कुनै पनि सञ्चालक वा प्रमुख कार्यकारी अधिकृत (CEO) माथि राष्ट्र बैंकबाट जरिबाना भएको भए जरिबाना तिरेको मितिले ६ महिना पूरा भएको वा उक्त व्यक्ति पदमा नरहेको
- शीघ्र सुधारात्मक कारबाहीमा परेको भए फुकुवा भएको कम्तीमा ६ महिना पूरा भएको
- समस्याग्रस्त घोषणा नभएको वा भएको भए फुकुवा भएको ६ महिना पूरा भएको
- सर्वसाधारणमा सेयर (IPO/FPO) जारी गरिसकेको
इच्छुक बैंक तथा वित्तीय संस्थाले आफूले लिन चाहेको रकम र प्रस्तावित ब्याजदरसहित यही कात्तिक ४ गते (२०८२ साँझ ७ बजेभित्र नेपाल राष्ट्र बैंकमा आवेदन पेश गर्नुपर्नेछ।
(स्रोत : नेपाल राष्ट्र बैंक / न्यूज एजेन्सी नेपाल)
