काठमाण्डौ । सिटिजन लाइफ इन्स्योरेन्सले लाभांश घोषणा गरेको छ।
कम्पनीको आज बिहान बसेको सञ्चालक समितिको १२५औँ बैठकले आर्थिक वर्ष २०८१/८२ को वितरणयोग्य मुनाफाबाट हाल कायम चुक्ता पुँजीको २० प्रतिशत लाभांश वितरण गर्ने निर्णय गरेको हो।
यो पूर्ण रूपमा नगद लाभांश (२०% cash dividend) रहेको छ। कम्पनीको वर्तमान चुक्ता पुँजी ५ अर्ब रुपैयाँ रहेकोले कुल १ अर्ब रुपैयाँ नगद लाभांश वितरण हुनेछ।
यो प्रस्ताव नेपाल बीमा प्राधिकरणबाट स्वीकृत भएपछि र कम्पनीको आगामी वार्षिक साधारणसभाले पारित गरेपछि मात्र लगानीकर्ताले प्राप्त गर्नेछन्।
