काठमाडौँ । महालक्ष्मी विकास बैंकमा २ करोड ८५ लाख रुपैयाँ हिनामिना प्रकरणमा पक्राउ परेका दुई कर्मचारी उच्च अदालत महेन्द्रनगर इजलासको आदेशपछि धरौटीमा रिहा भएका छन्।
धरौटीमा छुट्नेमा दार्चुलास्थित गोकुलेश्वर शाखाको ग्राहक सहायता कक्षमा कार्यरत अम्बादत्त पन्त र बैंकको कर्जा विभागका कर्मचारी धनन्जय पन्त रहेका छन्।
मुख्य अंशहरू:
-
२ करोड ८५ लाख रुपैयाँ हिनामिना प्रकरणमा पक्राउ परेका दुई कर्मचारी धरौटीमा रिहा।
-
बैतडीको पुर्चौडी नगरपालिका–३ निवासी अम्बादत्त पन्तलाई १० लाख धरौटीमा रिहा गर्ने आदेश।
-
कर्जा विभागका कर्मचारी धनन्जय पन्तलाई २५ लाख धरौटीमा रिहा गर्ने आदेश।
जिल्ला प्रहरी कार्यालय दार्चुलाका प्रहरी निरीक्षक बिक्रम बहादुर शाहीका अनुसार अदालतको आदेशअनुसार दुवैजनाले धरौटी रकम बुझाइसकेपछि रिहा भएका हुन्।
यसै प्रकरणमा संलग्न गोकुलेश्वर शाखाका तत्कालीन शाखा प्रबन्धक सागर शाही र नगद विभागकी कर्मचारी निर्मला साउँदलाई भने पुर्पक्षका लागि कारागार चलान गरिएको छ। मुद्दा भने अझै अन्तिम टुङ्गोमा पुगेको छैन।
