काठमाडौं -भैरहवा भन्सार कार्यालयले चालु आर्थिक वर्ष २०८२–८३ को ६ महिनामा ५० अर्ब ८८ करोड रुपैयाँ राजस्व संकलन गरेको छ । यो लक्ष्यको ९१.६१ प्रतिशत हो । भन्सार विभागले पुस मसान्तसम्म ५५ अर्ब ५४ करोड राजस्व संकलनको लक्ष्य दिएको थियो । यो लक्ष्यभन्दा केही कम राजस्व संकलन हो ।

अघिल्लो आवको सोही अवधिको तुलनामा चालु वर्षको पुस मसान्तसम्म राजस्व संकलन १०.५३ प्रतिशत बढेको छ । आव २०८१–८२ को पुस मसान्तसम्म ४६ अर्ब ३ करोड राजस्व संकलन भएकोमा यो वर्ष साढे ४ अर्ब ८५ करोड बढी संकलन भएको छ । भैरहवा भन्सार कार्यालयका सूचना अधिकारी उद्धव ढुंगानाले आयात बढ्दा संकलित राजस्व पनि बढेको हुन सक्ने बताए ।