काठमाडौँ, जेठ ८ । चालु आर्थिक वर्षको १० महिनामा ७ अर्ब बढीको स्याउ आयात भएको छ । चालु आवको वैशाख मसान्तसम्म विभिन्न ६ मुलुकबाट ७ अर्ब १३ करोड ४८ लाख रुपैयाँ बराबरको स्याउ आयात भएको हो ।
भन्सार विभागका अनुसार यो अवधिमा ७ करोड २ लाख केजि भन्दा धेरै स्याउ आयात भएको हो । उक्त आयातबाट १ अर्ब बढी राजस्व संकलन भएको छ ।
विभागका अनुसार चिन, भारत, थाइल्याण्ड, निउजल्याण्ड, टर्की र अमेरिकाबाट नेपनलमा स्याउ भित्रिएको हो । सबैभन्दा धेरै चिनबाट स्याउ आयात गरिएको तथ्यांकले देखाएको छ । चिनबाट मात्र ६ अर्ब २६ करोड ११ लाख रुपैयाँ बराबरको ५ करोड ९२ लाख केजी स्याउ आयात गरिएको छ ।
त्यसैगरी, भारतबाट ८५ करोड रुपैयाँ बराबरको १ करोड ८ लाख केजी, न्युजल्याण्डबाट ४४ लाख रुपैयाँ बराबरको २० हजार केजी, टर्कीबाट २४ लाख रुपैयाँ बराबरको २० हजार केजी, अमेरिकाबाट ८३ लाख रुपैयाँ बराबरको ४० हजार केजी र थाइल्याण्डबाट १२ हजार रुपैयाँ बराबरको २५ केजी स्याउ आयात गरिएको हो ।
