काठमाडौँ, जेठ ८ । नेपाल राष्ट्र बैंकले नियामकीय व्यवस्थाप्रति जानकार रहेर मात्र डिजिटल वित्तीय कारोबार गर्न आग्रह गरेको छ ।
मोबाइल बैंकिङ, कनेक्ट आईपीएस, वालेट, क्युआर, एटीएम कार्ड, क्रेडिट कार्डजस्ता डिजिटल भुक्तानीमा हुन सक्ने शंकास्पद कारोबार नियन्त्रण गर्न मापदण्ड तथा संयन्त्र चाहिने जारी सूचनामा उल्लेख छ ।
यस्तो छ अन्य व्यवस्थाहरु :
यदि विद्युतीय भुक्तानीका माध्यमबाट जारी गर्ने संस्था र भुक्तानी एउटै भएमा एक दिन भित्रमा ग्राहकको खातामा रकमको हिसाब मिलाउनुपर्ने व्यवस्था छ ।
विद्युत्तीय भुक्तानीका माध्यमहरु जारी गर्ने संस्था र भुक्तानी जाने संस्था फरक फरक भएमा दुवै नेपाली संस्थाको कारोबार तीन दिन भित्रमा ग्राहकको खातामा रकमको हिसाब मिलाउनुपर्ने व्यवस्था रहेको छ ।
विद्युत्तीय भुक्त्तानीका माध्यमहरु जारी गर्ने संस्था र भुक्त्तानी जाने संस्था फरक फरक भएमा कुनै एक विदेशी संस्था भएको कारोबार भएपछि ३० दिन भित्र ग्राहकको खातामा हिसाब मिलाउनुपर्ने व्यवस्था छ ।
उपर्युक्त समय सीमाभित्र हिसाब मिलाउने दायित्व उपकरण जारी गर्ने र प्रयोग हुने दुवै संस्थाको हुने राष्ट्र बैंकले जानकारी दिएको छ ।
