हाल लाभांश घोषणाको सिजन चलिरहेको छ। वाणिज्य बैंक र विकास बैंक गरी हालसम्म ८ वटा बैंकले आर्थिक वर्ष २०८२/८३ को नाफाबाट आफ्ना सेयरधनीलाई वितरण गर्ने लाभांश घोषणा गरेका छन्। तीमध्ये ५ वाणिज्य बैंक र ३ विकास बैंक रहेका छन्। लाभांश घोषणा गर्ने बैंकहरुले ६ प्रतिशतदेखि २० प्रतिशतसम्म प्रतिफल प्रस्ताव गरेका छन्।
वाणिज्य बैंकतर्फ लाभांश घोषणा गर्नेमा नबिल बैंक, ग्लोबल आइएमई बैंक, माछापुच्छ्रे बैंक, सानिमा बैंक र एभरेष्ट बैंक रहेका छन्। विकास बैंकतर्फ गरिमा विकास बैंक, कामना सेवा विकास बैंक र सांग्रिला डेभलपमेन्ट बैंकले लाभांश घोषणा गरेका छन्।
-
नबिल बैंकले १५.८०% लाभांश (५% बोनस सेयर, १०.८०% नगद) प्रस्ताव गरेको छ।
-
ग्लोबल आइएमई बैंकले १०% लाभांश (४% बोनस सेयर, ६% नगद) घोषणा गरेको छ।
-
माछापुच्छ्रे बैंकले ६% लाभांश (३% बोनस सेयर, ३% नगद) प्रस्ताव गरेको छ।
-
एभरेष्ट बैंकले १५% लाभांश (५% बोनस सेयर, १०% नगद) घोषणा गरेको छ।
-
सानिमा बैंकले १०% नगद लाभांश प्रस्ताव गरेको छ।
-
गरिमा विकास बैंकले २०% लाभांश (१०% बोनस सेयर, १०% नगद) घोषणा गरेको छ।
-
सांग्रिला डेभलपमेन्ट बैंकले १०.५२६३% लाभांश (४% बोनस सेयर, ६.५२६३% नगद) प्रस्ताव गरेको छ।
-
कामना सेवा विकास बैंकले साधारण सेयरधनीलाई १५% नगद लाभांश र अग्राधिकार सेयरधनीलाई ९% लाभांश घोषणा गरेको छ।
