काठमाडौँ, जेठ १० । राष्ट्रिय वाणिज्य बैंकले प्रमुख कार्यकारी अधिकृत(सीईओ) मा देबेन्द्ररमण खनाललाई नियुक्त गरेको छ ।
बैंकले बिहीबार एक सूचना प्रकाशन गर्दै खनाललाई नियुक्त गरेको बताएको छ ।उनको कार्यकाल चार वर्षको हुनेछ ।
बैंकको रिक्त रहेको सीईआपदमा २०८० साल चैत २९ गतेबाट लागू हुने गरी बैंकका नायब प्रमुख कार्यकारी अधिकृत देबेन्द्ररमण खनाललाई कायम मुकायमको जिम्वेवारी तोकिएको थियो ।
यसअघि किरणकुमार श्रेष्ठ चैत २८ गतेदेखि बैंक सेवाबाट निवृत्त भएका थिए । उनी आफ्नो ८ वर्षे कार्यकाल पूरा गरी बैंक सेवाबाट निवृत्त भएका हुन् ।
