काठमाडौं, कात्तिक १५ । चिनियाँ ईभी निर्माता कम्पनी बीवाईडीले पहिलोपटक टेस्लाको भन्दा बढी आम्दानी गरेको छ । बीवाईडीको नाफा वर्षको तेस्रो त्रैमाससम्ममा ११.५ प्रतिशतले बढेको छ । चिनियाा सरकारले दिएको बलियो सहुलियतका कारण कम्पनीको बिक्रीमा वृद्धि आएको छ । जसका कारण नाफा बढेको छ ।
जुलाई–सेप्टेम्बर त्रैमासमा कम्पनीको खुद नाफा ११.६ बिलियन युआन(१.६३ बिलियन डलर) ले बढेको छ । वर्षको पहिलो ९ महिनामा कम्पनीको खुद नाफा १८.१ प्रतिशतले बढ्दै २५.२ बिलियन युआन पुगेको छ ।
तेस्रो त्रैमाससम्म कम्पनीको आम्दानी २४ प्रतिशत बढ्दै २०१.१ बिलियन युआन(२८.२४ बिलियन डलर) पुगेको छ । जुन टेस्लाको भन्दा बढी हो । यो अवधिमा टेस्लाको आम्दानी भने २५.२ बिलियन डलर रहेको छ ।
यद्यपी टेस्लाले विश्वव्यापी बिक्रीमा अझै पनि बीवाईडीलाई पछि नै पारेको छ ।
