काठमाडौ, २७ पुस । नेपाल राष्ट्र बैंकले शुक्रबारका लागि विदेशी मुद्राको विनिमयदर सार्वजनिक गरेको छ । जसअनुसार भारतीय रूपैयाँ १०० को खरिद दर १६० रूपैयाँ हुदाँ बिक्री दर १६०.१५ पैसा कायम गरिएको छ ।
शुक्रबार अमेरिकी डलरको भाउ सामान्य घट्दा युरोमा भने वृद्धि भएको छ । जसअनुसार आज एक अमेरिकी डलरको खरिददर १३२ रूपैयाँ ५५ पैसा र बिक्रीदर १३३ रूपैयाँ १५ पैसा कायम गरिएको छ । यो मूल्य अघिल्लो दिनको तुलनामा एक पैसाले घटेको हो । बिहिबार एक अमेरिकी डलरको खरिददर १३२ रूपैयाँ ५६ पैसा र बिक्रीदर १३३ रूपैयाँ १६ पैसामा कारोबार भएको थियो ।
यसैगरी शुक्रबार युरोपियन युरोमा ४६ पैसाले बढेको छ । आज एक युरोको खरिदमा १४५ रूपैयाँ ५५ पैसा र बिक्रीमा १४६ रूपैयाँ २१ पैसा तोकिएको छ । बिहिबार भने युरोपियन युरो एकको खरिदमा १४५ रूपैयाँ ९ पैसा र बिक्रीमा १४५ रूपैयाँ ७५ पैसा तोकिएको थियो
त्यस्तै, बेलायती पाउण्ड सटर्लिङ एकको खरिददर १६९ रूपैयाँ १८ पैसा र बिक्रीदर १६९ रूपैयाँ ९५ पैसा, अष्ट्रेलियन डलर एकको खरिददर भने ८८ रूपैयाँ ९८ पैसा र बिक्रीदर ८९ रूपैयाँ ३८ पैसा र क्यानेडियन डलरको एक खरिददर भने ९९ रूपैयाँ १४ पैसा र बिक्रीमा ९९ रूपैयाँ ५९ पैसा कायम गरिएको छ ।
