काठमाडौँ / नेपाल लाइफ इन्स्योरेन्स कम्पनीले नारी दिवसको अवसरमा नेपालमै पहिलो पटक विशेष सुविधासहित नेपाल लाइफ नारी सुरक्षा जीवन बिमा योजना सार्वजनिक गरेको छ। महिलाको जीवन, स्वास्थ्य, बचत र आर्थिक सुरक्षालाई केन्द्रमा राखेर कम्पनीले उक्त याेजना सार्वजनिक गरेकाे हाे ।
साे योजनाको प्रमुख विशेषताहरूमा वार्षिकोत्सवमा नगद सुविधा, मृत्यु लाभ वृद्धिशील (हरेक ५ वर्षमा २५ प्रतिशत), साथै नेपाली जीवन बिमा क्षेत्रमा पहिलो पटक गर्भावस्था स्याहार र गर्भावस्था जटिलता पूरक करार सुविधा समावेश छन्।
गर्भावस्थासँग सम्बन्धित ११ वटा गम्भीर जटिलतामा कुनै समस्या पुष्टि भएमा रु. १ लाख एकमुष्ट भुक्तानी हुने व्यवस्था छ भने गर्भावस्थासँग सम्बन्धित स्वास्थ्य सेवाका लागि रु. १० हजार सुविधा उपलब्ध हुनेछ।
यो सावधिक जीवन बिमा योजना (मुनाफामा सहभागी हुने) न्यूनतम रु. २५ लाख बिमाङ्कबाट सुरु हुनेछ र प्रवेश उमेर १८–६५ वर्ष सम्मका महिलाका लागि खुला छ। साथै ऐच्छिक पूरक करारहरू जस्तै दुर्घटना मृत्यु लाभ (ADB), पूर्ण स्थायी अशक्तता सुविधा (PTDI), र बिमाशुल्क छुट सुविधा (PWB) समेत उपलब्ध छन्।
नारीको सुरक्षा, आत्मनिर्भरता र भविष्य सुनिश्चितता प्रदान गर्ने लक्ष्यका साथ याे याेजना ल्याएकाे कम्पनीले जनाएकाे छ ।
