काठमाडौं । शिखर पावर डेभलपमेन्ट लिमिटेडको सर्वसाधारणका लागि निष्काशित आइपीओ बाँडफाँड सम्पन्न भएको छ ।
कम्पनीको आइपीओ बिक्री प्रबन्धक ग्लोबल आइएमई क्यापिटल लिमिटेडको कार्यालयमा आज बाँडफाँड गरिएको हो ।
कम्पनीको आइपीओमा कुल २६ लाख ८७ हजार ३४७ जना आवेदकबाट २ करोड ८८ लाख १६ हजार ९९० कित्ता सेयरका लागि आवेदन परेको थियो । जसमध्ये ३६ हजार ५०० आवेदकको ४ लाख २२ हजार २०० कित्ता सेयरको आवेदन बदर भएको छ ।
कुल सदर आवेदन २६ लाख ५० हजार ८४७ जनाको रह्यो, जसले २ करोड ८३ लाख ९४ हजार ७९० कित्ता सेयर माग गरेका थिए ।
सेयर बाँडफाँडको क्रममा १० कित्ताका दरले कुल १ लाख ८४ हजार २६० आवेदकले मात्र सेयर प्राप्त गरेका छन् । बाँकी २४ लाख ६६ हजार ५८७ आवेदकको हात खाली भएको छ ।
यो आइपीओमा अत्यधिक आवेदन परेकोले धेरैजसो आवेदकले सेयर पाउन सकेनन् ।
