काठमाण्डौ । पछिल्लो समय सेयरबजारमा दुई पुनर्बीमा कम्पनी — नेपाल रि इन्स्योरेन्स र हिमालयन रि इन्स्योरेन्स — लगानीकर्ताबीच निकै चर्चामा छन्। दुबै कम्पनीको हकप्रद सेयर आउने चर्चा चलेपछि दोस्रो बजारमा समेत यी कम्पनीका सेयर उच्च कारोबार भइरहेको छ।

बजारमा बढ्दो चासोका कारण लगानीकर्ताहरुले यी दुई कम्पनीलाई ‘हट केक’का रुपमा लिइरहेका छन्। तर केवल चर्चाको आधारमा गरिएको लगानीले जोखिम बढाउने विशेषज्ञहरु बताउँछन्।

यद्यपि, केही लगानीकर्ताहरुले यी दुबै कम्पनी आधारभूत रुपमा पनि बलियो रहेको भन्दै दीर्घकालीन लगानीका लागि उपयुक्त ठहर गरिरहेका छन्।

कुन कति बलियो ?

• नेपाल रि इन्स्योरेन्स पुरानो र स्थापित कम्पनी भएकाले कोष संकलन र व्यवसायको दायरामा हिमालयन रि भन्दा बलियो देखिन्छ।

• तर वित्तीय सुशासन र पारदर्शिताका आधारमा हिमालयन रि राम्रो मानिएको छ। नेपाल रिले गत आवको तेस्रो त्रैमासिक विवरणमात्र प्रकाशित गरेको छ भने हिमालयन रिले वार्षिक विवरणसमेत सार्वजनिक गरिसकेको छ।

सूचकको आधारमा तुलना

गत आवको तेस्रो त्रैमासिक वित्तीय विवरण हेर्दा —

• अधिकांश सूचकमा नेपाल रि अगाडि छ।

• तर लगानीकर्ताका लागि महत्वपूर्ण मानिने EPS, नेटवर्थ, P/E रेसियो र ROE मा भने हिमालयन रि उत्कृष्ट देखिएको छ।

यसैले, छोटो अवधिको भन्दा दीर्घकालीन लगानीका दृष्टिले दुवै कम्पनीलाई सुरक्षित मान्न सकिन्छ। तुलनात्मक रुपमा भने नेपाल रि कम जोखिमयुक्त देखिन्छ।

नोट: यो तुलना केवल गत आवको तेस्रो त्रैमासिक वित्तीय विवरणका आधारमा गरिएको हो। कुनै कम्पनीको धितोपत्र खरिदका लागि प्रत्यक्ष सिफारिस गरिएको भने होइन। लगानीकर्ताले आफैं विश्लेषण गरी निर्णय लिनुपर्ने हुन्छ।