काठमाडौँ । सानिमा जिआईसी इन्स्योरेन्स लिमिटेडले आफ्ना संस्थापक सेयरधनीहरूको स्वामित्वमा रहेको ५ लाख ८० हजार कित्ता संस्थापक सेयर बिक्रीका लागि राखेको छ । यो सेयर खरिद गर्न इच्छुक जोसुकै व्यक्ति वा कम्पनीले आवेदन दिन सक्नेछन् ।
गत भदौ ८ गते कम्पनीले विद्यमान संस्थापक सेयरधनीहरूका लागि १५ दिने सूचना जारी गरी सेयर बिक्रीको प्रस्ताव राखेको थियो, तर कुनै आवेदन प्राप्त नभएपछि सर्वसाधारणका लागि बिक्री खुला गरिएको कम्पनीले जनाएको छ ।
इच्छुक लगानीकर्ताले खरिद गर्न चाहेको सेयर संख्या र दर खुलाएर आवश्यक कागजातसहित सूचना प्रकाशन भएको ७ दिनभित्र काठमाडौँको टंगालस्थित कम्पनीको प्रधान कार्यालयमा आवेदन पेस गर्नुपर्नेछ ।
